Курыт ву) или люкымтэ синмаськон))

Сюлэмам - ворпо нумыр,
Малпанъёс нош тон сярысь.
Котырам - ческыт омыр,
Юисько курыт вуысь.

Валантэм али мыным
Коктейльлэн сутӥсь шӧмыз, -
Уясько соин тани,
Шумпотса, курыт вутӥ...

Нуналъёс бызьса возтӥ
Кошкыло, но кытчы тӥ?
Шузимем йырам тон, не,
Эн кельты курыт вуэ!

Бергаса котыр дунне,
Выйтыны лэся турттэ.
Яратон ӝоген нуэ
Тулкымен курыт вуэ.

Шулдырен ӵошен монэ
Со ньылӥз, быдтӥз визьме.
Нылпиез таре солэн
Жалясьтэм курыт вулэн.