Валаны турттоно.

Огъяулонние "Калленом" фестивальлэсь флаеръёссэ лякылын потӥ. Пырон холлэ вуи. Отын "хачикъёс" сыло вал. Огез пичи укно пыр охранникен вераське. Охранник аслаз будкаяз пуке. Шуак кесяськем куара кылӥськиз. Мон йырме хачикъёс пала берыктӥ. Огез охранник шоры кесяське:
-Ты кто такой, чтобы мне приказывать!!!!!
Кызьы валай, охранник журналэ лыктэмзы ласянь гожтӥськыны косэм. Соиз гожтӥськем, но со пумысен марке керетон потэм. Со "хачикъёс" туж дерзкоесь. Асьсэос уг валало но, мыжыкъёсынызы шонаськыны кутско.

"Мусульманин" веросысь люкет:

Марайколэн чыры-пыры ужъёсты быдэсъян висказ, Дагетанец доры  50-тон аресъем пиосмурт лыктӥз. Пинал пияшлэн меӵак синъёсаз учкыса, ымныр дораз матэктыса, шыпыт куараен со вазиз:

-Виськод?

-Оо.

- Иисус Христосэз ӧть.

- Маин со мыным юрттоз. Со пророк гинэ.

- Инмар – со яратон. Висён – со дьявол.

- Кызьы висён дьявол луоз? Сатана – со кулонлэн кылчинэз, кудӥз адысь уллямын. И тодӥськод-а, мар понна? Йӧнъяськемез понна. - Кесяськыса вераськыны кутскиз Дагетанец, - Исса – Аллахлэн чиньыез.

- Котькуд адямилэн аслаз Инмар-кылчинэз. Со котьку юрттэ аслаз нылпиезлы, - шыпыт вера воргорон.

- Инмар одӥг, солэн ымныръёсыз но нимъёсыз трос!

Пумиськизы кык сюлэмъёс: огез пӧсь, мукетыз гань-гань.

"Монографие" мынон сюрес вылын диалог

Студенческой отрядъёслэн фетивальысьтызы бертыкум, эшъёсылы вераны шедьтӥ, Татьяна Репиналэн "Монография" нимо книга потэмезлы сӥзем ӝытэ мыно шуыса. Валя сьӧрам калъяськиз, кемалась, пе, сыӵе ӝытъёсы ветлэм потэ вал ини.

"Грифон" адӟытонние мыныкум, юалляськыны кутскиз:
- Мар тон сыӵе ӝытъёслэсь басьтӥськод?
- Уг тодкы. Мыным кельше. Яратко литератураез. Нош Ижкарын пинал кылбурчилэн бичетэз потэ ке, кызьы ӝытаз уд мыны? Ачим мар но со гожъяны вырисько бере.
- Мар со гожъямъёсыныд тон добиваешься?
- Ма номыр но. Гожъяськон али дырлы - со мынам лулылэн лобамез. Лыдӟисьёсылы гожъямъёсы кельшизы ке, мон туж шудо луо. Улом ини, ог-огмес яратыса.
- Нош уксё? Мар вылын тон улод?
- Уксё лыктэ но, быре но. Вал но, скал но. Кӧттырем адями уз гожъяськы ни. Сютэм уг кулы, дыр. Тон бон азьланяз мар карыны одъяськод?
- Мынам али азьланез сярысь нокыӵе но малпанъёсы ӧвӧл. Целе но ӧвӧл.

Фестивальын куинь нунал куспын рос-прос ӧм изе. Жадим. Но Татьяна Репина дорын мон сайкай. Нош эше умме усиз. Тӥни озьы луэ. Со ӧз кылы:

-Кажись, талант?!
-Кажись талант!
... (лирический герой гожъямъёссэ лыдӟисьёслы возьматэ. "Они до слёз". )
-А делать что?
-А что еще? Писать.
-Ну а семья?
- А что семья?
-Где деньги брать?
-Да это практика.
- А как? Писать?
- Какой писать! Пахать.
-Но ведь талант.
-Ну да, талант. 
...
                                        Татьяна Репиналэн гожтэмез. Курсивен - аслам валэктэме.

Пересь

Кин уг лыдӟы "Удмурт дунне" газетэз, но куддыр пыра блогам! Тӥледлы поттӥсько та веросэз. Со ярысь вераськон: http://marjamoll.blogspot.ru/2013/09/blog-post_17.html

Пересь.

Марайко вагонэзлэсь ӧсъёссэ усьтӥз, тубатсэ лэзиз но васькиз платформа вылэ. Котыр корт юбоос сыло – вокзалэз югдыто. Женя нимо проводница кыштыр гинэ кошкиз вузкаронни пала. Ӝыны час куспын вуттоз ог кык сю метръем платформаез ортчыны но кык чугун сюресъёсты выжыны, собере берен. Зӧк, пичи мугорзэ маялляса, кезьыт тылъёс югдыто нылашлэсь сюрессэ. Котьку сямен, Пеппилэн кадь кык йырси пунэтэз, кудъёсыз нылашез пиналлы пӧрмыто, но тӧдьы гожъёсын сьӧд кофтаез, кудӥз сое эшшо но зӧкгес каре, юртто Женяез котькытысь но котьку тодманы.

Вагонысь васькыкуз ик, Марайко секыт ӟус вылын пукись воргоронэз синйылтӥз. Тылъёс зол ик пишто ке но, ымнырыз уй куазен умой уг адскы. Оглом гинэ вераны луоз: тушо, тӧрнам сюбег синмо, кырсь бамо. Вӧзаз костыль кылле.

- Чырткем, – вазиз со нылашлы.

- Умоесь.

- Кытчы мынкоды?

- Кинешмае.

- Кызьы тынад нимыд?

- Марайко.

- Мынам Александр.

Александров станция. Татчы азьло трос кылзэс верась адямиосты лэзьяло вылэм. Тодмо продюсер Айзеншпис но уксё куронэн шедемез бере та каре лэземын вал: Мускоын, пе, сыӵеослы улыны уг яра. Соин ик, вылды, татын сомында кӧшкемыт адямиос. Муско котырын туж трос каръёс, кытчы адямиосты «малпаськыны» лэзьяло вал…

- Тон туж чебер кышномурт.

- Ы-ы.

Марайко азьын пересь пиосмурт, полтарашкаысь аракы юыса, пуке. Гудырикошкон, соин ик уйёсы кезьытгес ик кариськылэ. Мускоысь Кинешмае мыныку, поезд котьку но кыкетӥ платформае дугдылэ. Пиосмурт нырысетӥ платформаысь паськыт секыт ӟус вылын пуке. Вераськисьёс вискын одӥг чугун сюрес, но нырысетӥ платформа кыкетӥезлэсь ӝужыт. Быдэс метрлы ӝужытгес.

- Кӧня минут ортчыса, кошкиськоды?

Бисерен браслетъёсыз пӧлы ышем часэз шоры учкыса, Марайко вазиз:

- Кызь.

- Мынам часэ платиналэсь лэсьтэмын. Тодӥськоды-а, мар со платина? – ушъяськыны кутскиз воргорон. Но со ушъяськемез пельёсты уг ванды

- кызьы егит калык ассэ умой палысен возьматыны турттэ. Солэн огшоры та иворез верамез потӥз. Солы со туж кулэ луись, верано маке кадь йӧтэ.

- Металл.

- Со зарнилэсь но дуногес. Дядяйлэсь кылемын, ньыльдон куатетӥ арын лэсьтэмын. Валаськод-а?

Марайколэн йыраз малпан чилектӥз: «Та чассэ со ноку но виналы уз вошты, дыр».

- Мынам дядяе «вор в законе» вал. Нош мон алкаш. Мон кошкысал тонэн, но мыным дачаям мыныны кулэ. Тӥляд поездды дачае вӧзы уг дугдылы. Тодӥськод-а, мынам Рублёвкаын квартирае вань, но мон отчы кемалась ӧй вуылы ни. Али мыным дачаен но тырме. Машинаме отчы кельтӥ, соин ик немаин мыныны луоз. Мон азьло олокытчы но машинаосме келлясько вал. Эше весь пыкылэ со понна, али но…

Мукет сюрес кузя поезд ортчиз. Корт питранъёс чугун рельсаос борды шуккисько но пересьлэсь кылъёссэ ньылыса сьӧразы нуо. Егит ныл адӟе, кызьы кузь пурысьтам туш пӧлы выем ымдуръёс усьясько, но мыня. Воргорон огназ кылемын: кызьы Габриель Маркеслэн «Сто лет одиночества» книгаяз Буэндия семья огназ кылён пӧлы выемын вал, озьы ик та пересез но мӧзмон пачкатэ. Со аслаз мӧзмонэныз огкылэ вуэмын ни. Нош вина кулэ дыръя котьку но эш кузьма.

Вераськыны люкетӥсь поезд кошкиз. Нош Пересь весь вераське на. Усыкмем воргоронлэн юанъёсызлы Марайко одӥг-ог «ярам», «ы-ы», «я» лэчыт кылъёссэ чугун сюрес сопала лэзья. Пересьлы соин но тырме.

- Малы тӥ юиськоды? – воргоронэн мытэм вераськонэз куспетӥ карыса, юаз Марайко.

Егит проводница быдэс та вакчи улонэз ӵоже валаны турттэ сыӵе адямиосты. Нош таӵе юан сётэмез бере пельёссэ, валэктон интые, шыпыт тӧл гинэ вешалля. Али но озьы ик, но тӧл вӧзы эшшо гудырикошкон толэзьлэн кот но кезьыт омырез ватсаськиз на.

Гурт улонэз тодыса, нылаш туж трос тордосъёсты адӟылэмын ини. Соос нылашлэн сюлмаз жалян уг сайкато ни. Огшоры кезьыт но лэчыт синъёсын учке со кемалась вошъямтэ дӥськутэ бинялскем мугорзы шоры. Гуртын пиосмуртъёс пичи дырысенызы ик виналы дышетэмын. Анайёс, пӧзьтэм самогонэн сектаса, пиоссэс калгыны лэзьяло. Мар юнме калык пӧлти юон утчаса ветлод?

- Мон огнам ӧвӧл. Мынам пичи пие Германиын улэ но дораз ӧте: атай, кушты вань ужъёстэ, лыкты ми доры. Нош мон пенсиын ини. Пенсия 37 сюрс басьтӥсько. Татчыозь тырме со мыным, – курмем бадӟым чиньыеныз чырты кузяз лэзиз воргорон. – Мон ожгарчи вал, Афганистанын тӥни…

Пересь вера но вера, трос дыр луысал ке, быдэс улонзэ вераса куштысал, дыр, Марайколэн пыдъёсыз улэ. Но пересьлэн зулемез, пель сьӧртӥз кошкыса, Марайколэн йырвизьмаз чечыен вӧлдӥське. Нылаш трос марлы ӧз оскы. Воргорон мувӧй бизнесэн но вырем ни. Пересь вераськыку, нылаш аслаз малпанъёсаз уяз: «Сием потэ ни мар ке но. Ку меда бурмозы та пинъёсы, нерад луиськиз ни. Эшшо дас вить минут кылиз на. Мукет отрядысь нылаш пиньёсыныз йырин гуртаз берытскиз ук, эмчиос шуизы, пиньёсыз усьыны быгатозы. Мынам пиньёсыным коть озьы медаз луы вал. Кык арня тани гуртозь кылиз на. Эх, кыӵе пинь лулсэръёс лӧптэмын. Имбирен но лимонэн пӧсь ву юоно луоз, дыр. Умой ук».

- Мон тон доры вуо, кык нунал ортчыса. Москвае Ярославской вокзалэ. Мынам отын машинае кельтэмын, «Мерседес». Мон тонэн али мынысал, но поезд дачаям уг дугдылы.. Мон тонэ, кык нунал ортчыса, басьто. Туннэ уг быгаты, юэмын ни тросгес, машинае отчы кельтэмын. Тон быгаткод-а машинаез нуллыны?

- Ы-ы.

- Мон тонэ обожаю. Мон вуо, кык нунал ортчыса, только машинаез ачид нуод, нош мон вӧзад пуко. Тон мыным пи пияд ке, мон тонэ ки вылам нулло. Тамирчик нималом, дядяйме кадь. Мон юэмысь дугдо.

- Тӥляд вань ни ук пиосты.

- Ма, соос немецъёс. Огез тӥни улэ Франкфурт-на-Майне карын. Кышное но отын ик.

Пиосмурт огдырлы чалмиз. Полтарашказэ ӝутћз но «асьмеос понна» шуыса нош ик ӟузиз нап-ӵуж вуэз.

- Кызьы тӥляд нимды? – юаз нылаш.

- Александр, верай ни ук вал, – куараяз куатаськон сямлэн одӥг шапыкез но ӧз кылӥськы.
Нылаш тодаз вайиз, воргорон нимзэ вазенгес вераз шуыса. Соин мылкыдыз кӧня ке пожаськиз. Пересь соин сомында вераське ини, нош со нимзэ но йыраз ӧз поны. Тӥни озьы адямиос кылзӥсько ог-огзэс…

- Тон беризь кадь.

- Ы-ы.

- Мон тонэ Путинэн тодмато.

- Я.

Динамикъёсысь тодмо куара чузъяськиз: поезд, 5 минут ортчыса, сюрессэ азьланьтоз. Дыр вуиз платформаысь тамбуре тубыны но пересен огӝужда луыны. Вузкаронние уксё воштыны кошкем проводница аслаз вагоназ бызьыса берен вуиз. Ныллэсь векчи куараен нёръямзэ кылыса но кык йырси керттэтлэсь лэйкамзэ адӟыса, пиосмурт мынектӥз.

- Эх! Пичи нылаш бызьылэ.

- Со проводница.

- Со? Со нылаш. Кызьы проводница? Со пичи нылаш, – оскытэк аслэсьтыз вера пересь воргорон. Солэн аслаз синъёсызлы, аслаз малпанъёсызлы оскемез потэ. Марайколэн ӧз поты ни солэсь оскемзэ быдтэмез.

- Ӟеч луэ ни!

- Мон тонэ Мускоын пумитало, одно ик. Яратко тонэ.

Кык огназы кылем адямиосты висъясь чугун сюрестӥ поезд матэктыны кутскиз. Тани-тани со кык пӧртэм дуннеын улӥсьёсты люкоз. Воргорон, поездлэсь матэктэмзэ адӟыса, чиньыоссэ ымдураз йӧттӥз, чупасько тонэ, шуиз кадь нылашлы. Поезд секыт вагонъёсыныз нырысетӥ платформаез ватӥз. Марайко вагонъёс вискытӥ гинэ адӟылӥз на пересь мугорез, ӟусэз но кенер сьӧрысь вить этажъем коркаосты. Тани ӝоген нылашлэн поездэз но вырӟиз. Александров станция но воргорон ӵошен кылизы пумитаны выль составъёсты, нош Кинешмае мынӥсь поезд, омырез вандыса, нуиз Марайкоез азьлане.

Кырӟан

Туннэ огъяулонниям бертыкум, борддор бордысь "Тӧдьы кырымпыдэсъёс" кинолы афишаез синйылтӥ. Йырам огшоры калык кырӟан гур шудэ вал. Инмысь кадь таӵе кылъёс вуизы:

Тӧдьы кырымпыдэсъёс.
Учкы, учкы мон шоры.
Учкы, учкы мон шоры но
Чик эн йӧтыл мон борды.

Куддыр тодмо кырӟанъёсты малыке но ас сямен кырӟасько. Кылъёссэ тодко ке но, пырик!
Нош туннэ вал шутэтскон нунал. Илья нимо охранникмы доры ӧм пыралэ. Таня огназ отчы пырам но, ужась пилэсь ымнырзэ адӟымтэ. Со-а вал со, ӧй вал-а? Вуонояз пырано. 

Радио

Анай вера:
- Губямысь посадкаысь ульчатӥ васькисько вал. Ульча пумысен ик Галяпай кесяське. Машадэ радио пыр кылзӥськид-а?
Оляпай серекъя, пе:
- Со телевизорысь но сое уг адӟы но, радиоысь кылоз на ма.
Анай, пе, шуисько:
-Милям радиомы но ӧвӧл но.
Табере, пе, радио басьто. Сиськонние.

Мон пичи дыръям туж яратко вал нэнэй дорын улыны. Солэн котьку но радиоез шудэ вал, одно ик "Мынам Удмуртия". Весь удмурт кырӟанъёс, вераськемъёс. Нош тужгес но тунсыко  мон понна вал "Лӧпшо Педунь" передача. Возьмаса, гинэ пукко вал сое.

ӵукна нэнэй котьку пыжиськыны кутске вал. Мон каллен сайкасько, синъёсме усьтӥсько: котыр ӵын, шуныт омыр, пыжиськем зын. Нош ӵын пӧлын нэнэйлэн быгыт мугорыз выре. Тодко на,  корка пырем бере, нэнэйлэн буг-буг гадъёсаз ымнырыным мырӟиськиськемме. Ноку но уг поты вунэтэм со ощущениосты. Но дыр, йырысьтым, жалятэк, сутэ яратоно суредъёсме.

"Тӧдьы кырымпыдэсъёс"

Удмурт киноиндустриын киноослэн лыдзы чиньыен лыдъямон сяна ӧвӧл. Тау "Берыктон луд"-лы, соос уго удмурт кылэ киноосты берыктонъя трос мар лэсьтӥзы ини. Азьланяз но, малпасько, трос лэсьтозы на. Кылем арын мон швед киноез учкыны ветлӥ вал. Со удмурт субтитръёсын возьматӥськиз. Тодӥськоды-а, кыӵе со вал тунсыко но необычно! Огшоры кино берыктэмын ӧвӧл ук. Киноез учкыса, тон пыркод со калыклэн дуннеяз. Куддыр туж валантэм луо геройёслэн поступокъёссы, куд-ог учыръёс. Нош тон, валаны турттыса, олокыӵе но удысъёсы сюриськод, юанъёс аслыд сёткаськод.

Вуоно вордсконэ (понедельнике), 30 куарусёнэ, Удгулэн актовой залаз нош ик удмурт кылэ берыктэм кино возьматозы. Таяз арын кино мадьяр кинопуктӥсьлэсь С.Хайдулэсь "Тӧдьы кырымпыдэсъёс" бырйемын вал. Учкыны дунтэк луэ.   Кин учкиз ни та киноез, туж ушъяло марке. 

Мон туж яратко малпаськытӥсь киноосты. Киноосты, кудӥз монэ узырмытэ, яке кудӥз эмоциональной пытьы кельтэ. Эн мапалэ, эмоциональной со кыӵе ке мелодрамаос отын шуыса. Мукет. Нош кыӵе мукет? Вот мынӥды ке учкыны та киноез, валалоды! Со ӧвӧл тӥледлы кыӵе ке но "Сумерки" (вождэс эн вае, кин яратэ сое. Чисто субъективной малпанэ).

Тау

Кыӵе синмын тон факт шоры учкиськод, сыӵе ик отношениед со борды. Но куддыр со ик факт тыныд мукет палысен усьтӥське. Соку ваньмыз йыринь-чукинь луэ, малпанэд но отношениед но воштӥське.

Толон Аськей Маринаен Кибардина доры куное ветлӥм. Мыным кельшиз вераськыны соин. Куинь журналистъёс но филолог. Мыным вал туж куанык, сюлэм номырлэсь но ӧз кышка. Мон дыши ини Мынам Удмуртилы, гужем бере мон синмаськи ини солы.

Мон зэмзэ ик малпасько, ми Маринаен ог-огмес дополнятьтӥськом шуыса. Кызьы со шуиз вал, котькуд адямилэн аслаз философиез. Милям нош кык пӧртэм философиямы пумиське одӥг "Гугл" вотэсбамын. Одӥг фактлы кык пумысен учкемъёс (одӥг темаос блогъёсамы пумиськыло). Озьыен, отношение но воштӥське. Тау солы, со вань шуыса, со гожъяське шуыса,мыным  фактлэсь мукет палзэ  усьтэмез понна.

Улон - со шудон. Кужмо но зол адямиос лябъёсыныз шудо. Будэмъя шудон машинаез зэмос машина воштэ. Тынад улонад кылдо выль понятиос: уксё, пайдаё адямиос, огшоры эшъёс, туганъёс... Анайлэн бурд улысьтыз потэм бере, тынад улонэд аслад кияд уг луы ни. Со шонерак герӟаське вылӥ верам понятиосын. ӟечок, кин быгатэ соостэк улыны.

Чеберлэн шудэз.

Анаен толалтэлы сыласкиськом. Мон пӧзьтӥсько кабачоклэсь икра, со - огречлэсь кетчуп. Кияр, кухонный комбайнэн пыр потыса, туж трос вузэ поттӥз. Анай шуэ:
- Виятом-а тыныд?
-Малы со мыным кулэ.
- Ымнырдэ маллялод. Маш Галяпай (бӧляк) тани Аннокезлэсь (8-тӥ классэ потӥз) али ик ымнырзэ, дрожжиен малляса, возе ини.
- Женственной луыны дышетэ.
- Чеберез, кисые поныса, уд нуллы.

Вал чебер, кузь, зӧк йырси. "Кузпаллэн вожанэз" сое кутӥз но вандӥз. Вал спортсменка. Кузпаллэн секыт киыз кутӥз но пытсаз сое гур сьӧры. Вал туж килы усто но шудо. Кузпаллэн визьмо луэмез сое шузие кельтӥз. Вал туж шудо. Кузпаллэн кышкатэмъёсыз (ӧд бызьы ке мыным, шуре тэтчо) каризы сое шудтэм но кышкась. Вал кузпало. Кузпаллэн юэмез кариз сое чидась но эрико. Табере со - кузпалтэм анай. Озьы ке но со котьку кылиз: спортсменка, кибашлы, ас сяменыз шудо но чидась - паймымон кышномурт.

Тубат вылысен

Женялэн аресыз бере, Танилы уксё поныны "Аврорае" пырам. Отын пияш охранник пуке вал. Таня улэ васькиз, мон тубат вылын сылӥсько. Пияш жадиз ини, дыр, шуыса малпай ас поннам но вази (дырыз чалякгес мед ортчоз шуыса):
-Чырткемесь. Кыӵе мар ужан нуналды ортчиз.
-Умой. Ваньмыз умой.
Таня ужъёссэ лэсьтӥз но ми тубат кузя тубыны кутским. Таня юа, нимзэ юад-а? Ой, шуисько. Озьы берен берытским охранниклэсь нимзэ юаны.
-Илля- шуэ.
-Мон Марайко, Мария. Ну, ӟеч луэ.
- Телефон лыдпустэс кельтэ вал.
- Мон тӥ доры ӵуказе пырало.
- Мон выходнойёсы гинэ ужасько.
- Иське, вуоно шутэтскон нуналозь. ӟеч.
Ми Таняен кошким. Пияш аслаз пукон вылаз кылиз. Тӥни озьы "кышетэн нылаш" но "дукесэн удмуртка" ӟуч пияшлэн сюлэмаз оскон ӝуатӥм. Ми ум чигтэ солэсь сюлэмзэ.

Кин ке деградирует, кин ке статичен.

Куддыръя сыӵе тунсыко потэ. Пуро котырын трос гуртъёс, но котькуд гуртын егитъёс маин ке ог-огзылэсь пӧртэмесь луо. Аксакын асьсэ вераськон манерзы, Кечел ӟучомемынгес ини, соослы,  юон, нылъёс но жугиськон сяна, номыр но кулэ ӧвӧл ини. Сундукын юо ке но, туж галанто асьсэзыс возё, котьку нылашлы ӧс усьтозы, кизэс сётозы, сумкадэ нуозы. Мон ваньзы сярысь уг вераськы, оновной масса сярысь. Нош ачим Пуроын улӥсько бере, вань пусъем сямъёсты Пуро егитъёслэсь адӟисько.

Толон потай калтыртыны. Люкаськон интыямы трос ик адями уг пукы вал: Исьнер, Гемит Денис, Амань Дима.

Реп гожъясь пиосмы (Пушнер но Исьнер) но соослэн котыръёссы "туж шонересь" вал азьло: ӧз юэлэ, уг кыскелэ, но кырӟанъёсазы шонер улонэз вылӥе ӝутылӥзы. Нош али мукет сюресэ кожизы ни. Нош вань сыӵе пияш Гемит Денис, кудӥз вордскем тырысьтыз, дыр, аляктыса ветлэ ини.

Тӥни соос ваньзы, сур юыса, пуко.
-Тӥ, - шуисько, Исьнерлы, -  копак портичкиды ини. Тӥ деградироватьтӥськоды, нош Денис тани статичен.
- Мар? Мон сыӵе кылъёсты уг тодкы, - шуэ Гемит Денис.
- Постоянен, иське, - валэктэ солы Амань Дима.

Озьы ке но, кырӟанъёс, кылбуръёс гожъясько на, крезьгурсуредъёс пуктӥсько на, улонэз валанзы  уг сылмы на. Удмурт гуртъёсын гопникъёс гинэ уг будо. Мерлык соосты воштэ. Урод пала яке умой пала? Созэ мерлыклэн катъёсызлэсь юано ини, яке нимаз адямилэсь.


Тылпу дорын пукыса, пиосмы кырӟаны кутскизы, Исьнерен но Амань Димаен ветло "Чебеляйе" но Катков доры кырӟаны пыралляло вал. Озьы соослэн кырӟан мылкыдзы котьку бордазы. Удмурт калык кырӟанъёс чирдыса пукизы на. Мон но куддыр итӥськылӥ. Пуким, вераським, кырӟам но бертӥм.

Паръёс. Маркенолуоз

Кызьы умойгес, ку тон сярысь нокин но уг сюлмаськы яке ку тонэ ваньзы тодо? Яке ку  тынад вань  матысь адямиосыд, кудъёсыз тонэ нокытчы но уз кельтэ?

Однокласснике таязэ пепелэ ветлиз. Шуиз, ноку но татчы уг лыкты ни, татын гадюшник, быдлаос люкаськемын. 

Но Быдлаос полын "мукет адямиос" но экто. Соос котькуд толэзь татчы шутэтскыны ветло, удмуртъёс полы. Но мынам сои слишком интеллегентной, гуртын ке но будэмын. 

Эрико дыр- со позыръяськонлэн пумыз. Соку уд малпаськиськы ни, кытчы кидэ пононо но кызьы тэтчано. Эрикез юиськод: вань сюлмысьтыд но быдэсь мугорыныд тэтчаськод. Соку ик тыршисько экт

Туж шумпотисько, мынам сыче эшъёсы вань шуыса. Котькудиз индивидуальность, ог-огзылэсь портэмесь. Банально ке но, тау ваньзылы. Таняен "Две головы" магнитике туспуктиським. Кыкез полысь огзэ кин ке но маялтэм. Синмаськизы шуыса, малпалом ини. Туж классной туспуктэм пормиз вал. 

БВИ-ын жок улын пукыны кельшиз. Тон вань палъёсти защищенной кадь: жокен, эшъёсыныд, мусо но искреннёй вераськонъёсын. 

–Это "и"...– повторила она тихим, мягким голосом, потом, немного помолчав, решительно и отчаянно выпалила: – Оно является якутским герундием, сходным с киргизской формой "бариси".

Даралиез келям бере, мон книгаен вераськыны кыли. Мон сое котьку валаны турттисько, мур кылзиськисько.  Тани али ваньзы по парочкам. Мынам но вань паре - литература. 

Кырын кезьыт вал. Но мон ой кынмы. Мыным шуныт, киосы книга кутыса йозектиллям ик, но мон сое ой шоды.  Таня кынмиз. Общагаын чай юыса пуким но изьыны выдим. Шудоесь. Та уй милемлы ваньзэ кузьмаз: яратон, адреналин, удмурт но кунгож сямъёсты, эшъёсты, аспортэмлыко сюресъёсты. Мар кулэ на? 

Яратко тонэ Ижкар!

Починка

Сузэреным Починка (Кутер-Кутон) гуртэ ветлӥ. Отын мынам дядяе улэ. Пересь ке но но туж шаплы на. Хозяйствояз муш сямен берга, созэ лэсьтоз, тайзэ лэсьтоз, шыд сие шуоз, кампет сётоз. Пиналгес дыръяз копак сыӵе ой вал. Пересьмон марзэ меда адямилэсь воштэ?


Нош гуртлэн ваньмыз куашка. Али Починкаын куашкам коркаосыз тросгес ини, нош кыӵе чебер интыос отын.

    Тымет, кытын мон уяны дыши. Кылем арын отын вань чорыгъёссы зынмиллям, али сӥзьыл Ижкар тыметын кадь вутурын будэ, пинал чорыгъёс выль интызылы синмасько.

     Нюлэсъёс. Соос но куасьмыса быро ини. Одӥг аре зоръёс ӧй вал, со тырысен милям ёросамы вань нюлэъёс куасьмыны кутскизы ини марке. Адямиос соосты корало, интыязы номыр уг мертто. Милям школамы вож нюлэсэн котыртэмын вал. Толалтэ ми отӥ куасъёсын бызьылӥм, гужем кускылиос бичаса ветлӥм, сӥзьыл усем куаръёсын лэзьяським. Огпол гуртэ бертӥ но, учкисько, нюлэс интые куасьмес писпу вайъёс гинэ кыллё на.  Шимес суред. Мыным вӧсь вал.


  Ошмесъёс. Азьло гуртоос соос сьӧры сыӵе учко но котьку ик сузяло вал. Али тросэз семьяос, кытын вань мужикъёс, ву скважинаос асьсэлы гудыло, но ошмесъёс соослы кулэ ӧвӧл ини. Ошмесъёсты котыртыны пересьёслэн моӵсы уг тырмы ни, нош пиналъёслы со кулэез но ӧвӧл. Дядяй шуэ: "Тани колодча но куашка ини, кин табере тупатоз на сое? Тани Герейъёс но асьсэлы ву буритьтӥзы".

  
Кин, кин - нокин. Яке кинлэн ву скважинаез ӧвӧл, и то мылыз гинэ потӥз ке.
Мон самой яркыт пинал дыр нуналъёсме татын ортчытӥ. Тодӥсько на чорыганы ветлэмме, узы-боры, губи бичамме, скалъёсты возьмамме. Татын ваньмыз вал умой, мон малпамъя, калык инкуазен огкылысь улэ вал (калык инкуазьлы юрттэ, инкуазь солы емышъёсыныз тау каре). Нош Пуро Починкалэсь соку ик кыдёкегес вамыштэмын вал ини. Мон шумпотыса вуисько вал нэнэй доры, Починка гуртлэн киосаз. Кызьы нэнэйлэн ӟыгыртэмез шунтэ вал, озьы ик Починкалэн шокамез но буйгатэ вал мынэсьтым сюлэмме. Нош али мон будӥ ни, нэнэй кулӥз ни, Пуролэсь пересь Починка губырске но губырске. Дачаос гинэ, виштыос кадь, чиляло на гуртлэн азбараз.

"Пересь" сярысь вераськон

"Пересь" веросме Славчилы лыдӟыны сётӥ. Яратэ со куд-огдыр мае ке обсуждатьтыны но аслэсьтыз малпанъёссэ вераны. Так вот.

Славчи:  А стоит а со мужиклы оскыны?

М: потэ ке оскы

-Великий адями. Сыӵе адями вань на ке. "Форест Гамп" киноысь главной герой кадь.

-Отэ, остэ, че за, мар о

- Адями кудизлэн ваньмыз вань а ачиз возе ассэ как обычный адями. В то время адямиос сыыче богатствоен нокинэ но не замечают солэн совесть не позволит бомжэн вераськыны таиз дась вераськыны но. Вобщем туж лякыт адями кудиз всего добился в жизни

- Значит тон солы оскид?

- Бен

-Со ачиз бомж

- А может солэн машинаез вань, квартираез рублевкаын.

- Может. А малы иське со вокзалын пуке?

- А, например, со мужик киноын пуке скамейкаын и маде кыӵе ке кышномуртлы а, уг ни валаськы, и вера тоже маиз солэн вань шуса. И мар тоже хоть вокзалын хоть скамейка вылын ульчаын.

- Оооо, Славчи. Со ужасно.

- Одӥг притча вань. Мадём-а?

- Мадь.

- ӟуч сямен ява.

- Я

- Один богач пришел к мудрецу и говорит: когда я был еще ребенком я смотрел в окно и видел небо голубое яркое солнце птицы и радовался этому. А сейчас когда у меня много денег я перестал этого замечать начал думать только о себе не замечая ничего вокруг. Мудрец сказал: а ты подумай в чем разница между окном и зеркалом.

- Укно два в одном.

- ӧвӧл.

- Ыы, Славчи. Кин ке но учке укно пыр. Нош кин ке укноысь адӟе аслэсьтыз отображенизэ.

-Окно - со стекло прозрачное, адӟиськод, мар луэ со сьӧрын, а чтобы лэсьтыны сое зеркало и чтобы адӟыны астэ гинэ и не замечать, мар луэ вокруг стеклоез покрытьтоно сереброен.

-Мон верасько тыныд, стекло тоже отображает.

- Слишком мур малпаськиськод. Тынад со стекло отражает ачиз шуса, смыслзэ уг возьматы, ответ уг сёты богачлэсь юанэзлы.

- Увы, мудрец мынэсьтым мургес малпаське ведь.

- Соос не считали ни текло ачиз отражает шуыса. Да стекло пропускает 60 % гинэ сета. Но со солы кулэ-а вал? Факт о том, что стекло пыр луэ учкыны, а зеркало пыр уг шуыса, соослы важно.

"История кино" пара сярысь

Таяз семестрын милям туж тунсыко парамы потиз. История кино. Со для общего развития гинэ конечно но. Но пырик тунсыко. Туннэ учким нырысетӥ киноосты, куаратэмесь, сьӧдо-тӧдьыёесь. Тунсыко учкыны сю ар талалэсь азьло улон шоры. Кызьы адямииос дӥсясько вал, кыӵе трамвайёс ветло вал, кыӵе коркаос сыло вал.

Нырысетӥ буёло киносуредлэн нимыз «Путешествие на луну». Сюжетэз огшоры: астрономъёс лобӟо толэзе, адӟо отысь улонэз но берен берытско. Али учкись понна со тросгес комедиялы укша. Но, зэмзэ вераса, мон пайми режиссёрезлы. Азьло технологиос но ӧй вал ке но, со толэзь сярысь аслэсьтыз представленниосэ киносуредын возьматыны быгатӥз. Туж трос декорациос кутэмын вал, азьло учкисьлы паймымон спецэффектъёс (инопланетянин пуштэ но со интыын пӧртэм буёло тузон кыле). 1902 арын монтажлэсь аспӧртэмлыкъёссэ тодыны выро ини. Татын ылё-кырсё кадръёслэн вошъяськемзы пумиське. Но со – зэмос шедевр! Кин яратэ искусствоез, солы одно ик яралоз. 

Литература - со путешествие кадь.

Яратӥсько литератураез. Вуи Вера Полозкова дорозь. Кемалась со сярысь кылэм но лыдӟем вал ини. Нош туннэ блогаз пырай. Сюлмы сыӵе шумпотӥз. Мон выль лыдӟонъёс шедьтӥ. Туж необычно. Одӥгез дышетӥсе, Вера Григорьевна, дэмлаз вал В.В.Розановез лыдӟыны. Туж кужмо но тунсыко автор мон понна.

Туж яратко авангард ӧрез. Со адямиез малпаськонэ уськытэ. Тон лыдӟемлэсь гинэ уд, лыдӟем

сярысь малпаськонлэсь но куанӥськод. Озьы тынад йырад марке но бугыръяськыны кутске. Кин тодэ, вдруг, шӧдтэк шорысь, огпол  гениальной малпан (яке малпанлэсь но весомойгес маке) йырад вордкоз.

Эшшо берпуметӥ дыръёсы кунгож литература мыным золгес кельшыны кутскиз. ӟуч мышление мыным тодмо, пичи дырысен ик мон дышетӥсько ни ӟуч кылэз, соин лэся. Нош кунгож литература люка портэм калыкъёслэсь малпанъёссэс, кыл образъёссэс, выражениоссэс. Туж тунсыко, ку тон валаны турттӥськод, мар меда верамез потэ вал авторлэн та деталеныз яке геройлэн сыӵе действиеныз. Соослэн произведениосысьтызы шедьтыны луэ кунгожсьӧрысь калыкъёслэсь ценностьёссэс, улонзылэсь азинскемзэс. Туж яратко исторической романъёсты яке очеркъёсты, зэмос тодмо исторической адямиосын но учыръёсын. Кылсярысь, Эрнест Хемингуэй "Праздник, который всегда с тобой" книгаяз гожтэ, кызьы со улӥз Парижын, эшъяськиз Фицджеральдэн, малпаз "Великий Гетсби" книга сярысь. Тон, книгаын ке но, пырик вуиськон соолэн улоназы, вакытазы. !!!!!!!!!

Я ини, вакчияк верало: ЛИТЕРАТУРА - СО ПУТЕШЕСТВИЕ КАДЬ! Улонэз трос палысен тодон кадь.

Кузьым

Туннэ ветлӥ Ирина Загребина доры, лэсьтӥ сумкалы заказ, ӵошен эскиз малпам. Дораз пырыкум, одӥг пичи но ӧй курда. Матысь эш доры кадь пыри. Чаляк гинэ эскиз лэсьтӥм, бёлъёс бырйим. Уг малпаськы вал сыӵе чаляк ваньмыз ортчоз шуыса. Кельше солэн стилез, ваньмыз! Вуоно арын мынам луоз выль сумкае. !!!!!!!

Вечный огонь палтӥ ортчыкум, сопала кӧня ке дырлы дугдытэк ӧй ӵыды. Пукси пеймыт азе, кезьыт ӟус вылэ. Тупаны но кулэ ук, ӟус вылын  саптам палэзь ӟуски кылле вал. Нош котырам асвальт тротуартӥ бызьыло. Сопалась но, тапалась но, сопала но, тапала но. Нош палэзь ӟускиез кин ке но тэргаз но кошкиз.

Мон карлэн шораз. Мрамор борддор вылын ожгарын кулэм нимъёс, нош сюресэз поткод гинэ но отын Кузебай пуке. Кияз усьтэм книга, ачиз кытчы ке кыдеке учке но малпаське. Ымнырыз сыче мусо, ненег, визьмо. Мон книга лыдӟон вискам куддыр озьы синъёсме книга бордысьтым ӝутко но лыдӟемзэ ассэьтым улонме огазе карыны вырисько. Учкисько кытчы ке кыдёке, номыр шоры но. Син азям суред - панорама кадь гинэ. Тодмо адями но дорам матэктыны кутскиз ке, уг синйылты. Ваземез бере гинэ.

Соку тӥни лыктэ мон доры Gerd но марке мыным кузьма. Туннэ со вал – палэзь ӟуски.

Арган куара шергес кылиськыны кутске ини

Коснуналэ уйин гуртэ бертыку, шур сопалась арган шудэмез кыли, возаз шулдыр кырзась куараос итиськизы на. Сыче шумпоти. Кемалась кылэм вал ини сыче юмшанъёсты.

Пичи дырысьтым тодисько на, кызьы быдэс ульчаен Виль ужрадын жук сиыса пукиськом вал. Мужикъёс арганэн шудо, мукетъёсыз кырзало но котыр тапырто. Пиналъёс шумпотыса бызьыло. Тылпу тачыртэ, лысву пыдэз коттэ, гудырикошкон кизилиос пишто, кезьыт толэзь вожъяськыса кадь золгес пиштэ. Малы ке но котькуд Виле сыче усто куазь луылэ вал. Син азям сычеен кылиз со шулдыръяськон. Но Адямиос вискын капиталлистической кусыпъёс юнмам бере, со юмшан сямъёс дырен чош сылмыны кутско ини. Вилез но кыче кемалась ом пумиталлялэ ни. Адямиос ог- огзылы вожъяськисесьгес луизы, кескичесьгес. Болякъёс вискын но керетонъёс чемысь поталляны кутскизы ни, кыче отын нюк пыдсы огазе люкаськон на? Асьсэзыс гинэ тодса уло на.

Огпол Улын Юри гуртэ ветли вал. Гербер шулдыръяськонэ сюри. Жытаз Дышетисьёс туж мудрон йылолэз жутыны одъяллям. Кык ульчаос вискын пумиськон, огез ульча куноя мукетсэ. Шыд, вина, саламъёс, арган, кырзанъёс, эктонъёс. Егит эшъёсылы шуисько, ойдолэ мыном, удмурт дэрем дисялом но мыном. Огез мынам мылкыдын жуатскиз, соин ик мукетыз но пумит оз луы. Эшъёсылэн дэремъёссы вал, мыным но усьтыр-табыр шедьтизы. Кыче ке но ульча Киров ульчаез куноя вал, эшъёсы чапак Киров ульчаысь. Таре мыним но, егитъёс полысь гинэ овол, Киров ульчаысь но ми гинэ куинь кузя сяна нокин но вуымтэ. Нырмес ом лэзе, кин ке но малпаз, дыр, тросгес сюроз шуыса. Куноосты пумитан кырзан кырзам но пуксим. Туж кельшиз. Милям гуртын марке кыкети арзэ Герберез но уг пумитало ни.

Али егитъёс полын арганэн шудисьёсыз ожыт ини. Милям гуртын тырмыт ай. Улын Юриын
нош ныл но шудэ. Возам сылись эше Ульча пумитанын арганэз кысканы кутскиз, ноку но ой малпасал,  озьы быгатэ шуыса. ГАЖАНО КЫШНО ЛУОЗ!

Уксе кыске сюлэмъёсты

Куддыр сыче могдос потэ. Адямилэн уксеез вань ке, мукетъёсыз со сярысь тодэмзы бере, соку ик вунэто пуксем мылкыдзы сярысь. 

Тани мынам вагонам али мужик мынэ вал.  Аслаз купеысьтыз адямиосты малпаз чаен сектаны. Мыным заказ лэсьтиз, мон ваи. Жыны час талэсь азьло ваньзы шуг-секытъёсазы бугыръяськылизы, вагонын туж шыпыт вал. Мужик котыраз ваньзэсты чай улсын люказ.  Табере соос серекъяло, мыняса пуко, мужикен но ог-огенызы гольтрес верасько. Тунсыко, нош мужик меда мар малпа со дыре?  Солы мозмыт вал меда? Та муген кутиз но малпаз ваньзэсты чаен люктаны. Табере соин ваньзы верасько, кыче мар улонэз сярысь юаллясько.  Ачиз нош сыче ик из ымнырын пуке.  Нош сьод синъёсыз жуало ик. 

Берпумети рейс

Уй туннэ паймымон шуныт. Ивановоысь потыку, инбамез пилемъёс ватизы но кезьытлы улие васькыны оз сетэ ни. Берло пумен пилемъёс пыр кизилиос учкылыны кутскизы, собере чылкак пыдэстэм уй инбам усьтиськиз. Соин кезьытгес ик луиз ке но, чиданы луэ. 

 Берпумети рейс. Шумпотыны кулэ кадь но, нош мынам сюлмам ворпо нумыр  бугыръяське.  Кылем арын озьы ой вал. Быриз но быриз целина. Али отрядной улон вирам золгес ик пычаз видимо.  Комиссар ужен вырыса, бригадае сузэръёс но вынъёс интые луиз. Сюлмы сюреслы синмаськиз. Нош али сюлэм самой яратоно туганэныз люкиське кадь. Вала, ноку но чугун сюрес доры уз берытскы ни шуыса (проводник луыса). Целина кутскыку, дыр чалякгес мед ортчоз шуыса, пуккод. Тани ортчиз. Но мар табере? Кытын ке йырвиым пыдсын яркыт суредъёс сяна номыр но кылемын овол ни. 

Уг яраткы туспуктэмъяськыны. Но яратко туспуктэмъёсты учкыны, ортчемзэ тодэ вайыны. Ортчеменыз улыны уг яра шуыса, верало ке но.  Мон малпасько, берытскылыны кулэ ик шуыса. Ортчемезлэсь вуоно нунал порме. Ортчемез дышетэ, визьмоя. Ортчемез выль вамышъёс лэсьтыны юрттэ. Особенно ку тон чошаткод ортчемзэ но ализэ. Ортчем улэ малпанъёсын. Выёно гинэ овол отчы. Шодтэк шорысь али нуналэз но адзытэк улыны кутскод.

Ивановоысь но кошкыку сыче ик мылкыд луоз, дыр. Удмуртиын мон котьку луо, нош Ивановысь кошки ке, татчы врядли берытско на. Озьыен, весяклы ышозы тапалась эшъёс, челнок, ульчаос, чожъёс но дыдыкъёс. 

Дунне котыръян

Малыке но одиг интыям пукыса, мон чаляк акыльтисько. "Хохот шамана" книгаын таче веран вань. Ку адями весь одиг уж лэсьтэ, со деградироватьтыны кутске. Улонти азьлань кошкон интые, берлань чигнаны кутске, номыр но выльзэ уг басьты ни. Йырвиым ( адями) дыше огкадь кусыпъёслы, выросъёслы. Котыр улон азьланьске, нош солэн интыяз сылэ. 

Тазьы учкид ке, берпумети дыръёсы трос тодмоосы дуннеез котыръяло. Комнатаысьтым журналистка Катя Египетысь бертыса, Турцияе со арын ик шонтиз. Собере Удмуртиын жыны ар пукиз но воксе аниматор луыса ужаны Египет пала шонтиз. Ууу, ерпечка но ерпечка. Шутэтскон сезон быриз ке, нош ик берто, шуиз. 

Маши Золотарева, Тихонова Кристиен гужемлы Финляндие шонтиллям. Зечокъёс. Али кытчы ке но кошкыны туж трос луонлыкъёс. Огез тини, виктория бичан. Европаез но адзид, уксе но поттид, кунгож сьорысь йоскалыкъёсын но тодматскид, иностранной кылдэ но волятил, улондэ но огдырлы воштид. Оглом, быдэсак шутэтскид но трос мар выльзэ тодид. Туж кулэ практика. 

Удмурт филология факультетысь дышетскисьёс но котьку Эстонияе, Венгрияе, Финляндие потало. Соос тросгес дышетскон ласянь. Куддыр асьсэос но уг валало, дыр, кыче усто факультетын дышетско. Азьло ачим уг но оскиськы вал,  Удмуртиялэсь кыдекегес сюро шуыса. Ма кытчы огшоры удмурт гурт нылашлы! Но со малпан янгыш. Мылыд потиз ке, ваньмыз луоз. 

Луэ огшоры интыысьтыд султыны но аслыд кутыса кытчы ке но шонтыны. Кызьы Аськей Марини, Чудья Жени но Кибашлы Тани ветлизы Чайковске, Кузонэ.  Мынам Марья эше вань, ми соин велик вылэ пуксьыса, боляк гуртэ мыниськом вал. Юнме, яке пыласькыны, яке огшоры гуртсэс учкыны (Кияса ёросысь Черной гуртэ озьы вуылим вал). Сьорамы эшшо Чубайс нимо эшмэс кутиськом на вал, соин коть уйин но ветлыны кышкыт овол. Сундук гуртэ уйин ворттылским вал. Боляк гурт ке но, нош улон отын чылкак мукет. Отчы вуэммы бере паймим:  огезлэсь портэм мукетыз "Сяська -Насьта" кадь буям коркаос чурак гинэ сыло. Кылсярысь, заборзы зангари буямын, капказы лызо-вожо но вылаз пулэсь вандэм сяськаосын чебермамын на, липет улзы югыт вож буело, укно янакъёссы эшшо мукет на. Со одиг гинэ корка озьы. Яркыт! 

Трос кытчы луэ вуылыны, трос кызьы луэ астэ азинтыны но выль тодон-валанъёс басьтыны. Егит дыръя ке од, ку эшшо ветлод на тодмотэм интыости, кунгожсьор кунъёсти но огшоры вордскем шаертид. Берло бер луоз ни, валаса но уд вутты. 

Эн кышка! Вылез адямиез вылэгес жутэ, пожаськем мылкыдэс пуксьытэ но трос тодмотэм осъёсты усьтэ!!! 

Пинал мылкыд-юмал йолпыд. Part II

Гуртэ бертыны билет басьти ни. Жоген мон луо Ижкарын. Сузэре егитъёслэн улонысьтызы шумпотон ваись ивор вераз:

              27 ГУДЫРИКОШКОНЭ ПУРО ГУРТАМЫ КОНЦЕРТ ОРТЧОЗ!

Кылем арын гудырикошконлэн берпумети нуналъёсаз ми усьтим нырысети сезонмес. Татчы гожти вал ини со сярысь, кызьы ми, Пуроысь егитъёс, "Пинал мылкыд-юмал йолпыд" нимо концерт лэсьтим шуыса. Ullapalla милемыз Пуро промо-group шуыса ик ниманы кутскиз вал ини. Бен, гуртамы трос таланто пиналъёс. Туж со концертын луэм потэ вал. Но, жаляса верано, билетэ 7 куарусёнлы гинэбасьтэмын. 

Кошкем берам, сюлмаськыны кутски вал, кыкети сезон уз луы шуыса. Но егитъёс люкаськиллям. Софронов но Пикулев Олешъёслы бадзым тау шуоно,дыр, со понна. Волков Германлы но, солэн анаезлы нош сю поллы бадзымгес.  Туж шумпотисько, егитъёсмы юнме калгыны гинэ дырзэс уг быдто шуыса. Аааааааа. Потэ соос полын сцена вылэ потэм. Кызьы кылем арын!!!! Кыче меда программазы, Олешъёс Bereketсэс вайизы дыр, кызьы кылем арын "Уйвот" вал. Сузэрелэсь одно ик репортажзэ кыско. 

Таяз арын калык тросгес люкаськоз, дыр. Огезлэсь кышкасько, кылем арын кадь кыче ке но важной адямиос лыктозы шуыса но кутскозы агитация нуыны. Кулэ овол! Ми концерт гурт калыкмылы ортчытъяськом, нош администрация лыктэ но шутэтскем калыклэсь йырвиымзэс нош ик асьсэ юанъёсынызы, кылсётонъёсынызы, орекчанъёсынызы пачкато. 

Эшъёсы, мусоосы мынам. Мон тиледын! Зечокъёс. Ваньмыз умой ортчоз. Мон оскисько. Кыче мылкыдын кылем арын концерт радъям, тодсалды ке ти. Аппаратурамы тияськылиз ке но, киосмес ом лэзьялэ. Оским но лэсьтим. Тау! 

Вань сюлэмзэс поныса, уен-нуналэн али но дасясько, дыр, пиналъёс туэ концертлы. Нош мон Ивановоын. Эх@

Шаерелы пайдае луэм потэ

Вазь чукна. Муско кузя сокем трос машинаос уг ветло на, одиг -кык адямиос адскыло ини. Улысал Мускоын коня ке. Улонэз адзысал, выльзэ тодысал но дуно палъёсам берен берытскысал. Басьтэм тодон валанъёсме дорам улонэ пычатысал. 

Али берпумети рейсъёсы ини. Гурт сярысь уг малпаськиськы на, нош тросэз ми полысь доре бертыны билетъёс басьтизы ини. Зэмзэ ке, мозми ини со удмурт шомъем ужрадъёслэсь, пырако дыртонлэсь, гурт интерьерелэсь, эшъёсын улэп вераськонъёслэсь. Соин "жуммисько" ни кадь потко. Овол, мугорын овол. 

Али гинэ быдэсак валай, Ижкарысь мон ноку но весяклы уг кошкы шуыса. Аслам вордскем музъеме кыске монэ бордаз. Куд-ог адямиос Удмурт Элькунмы сярысь кылэмзы но овол. Паймымон, ыы ведь.

                        Шаерелы мынам пайдае луэм потэ! 

Анай кыл но Мускоысь таджикъёс сярысь.

Муское потам. Дыр вокзаллэсь кыдекегес мыныны оз сёты. Ашан нимо бадзым вузкаронниозь гинэ вуылим. Ашан- нимыз ик зуч овол. Зуч ымнырлы кельшись адямиос выйемын азиатъёс полы. Мускоын зучьёс сомында ик дыр, коня удмуртъёс Удмуртиын ( вокзал возын точно). Одиг пол но ой на адзы, кызьы Мускоын зуч сумка нуллисьын яке жуг-жаг октисьын ужа. Я бон ни. Ог час пала со бадзым вузкароннити поръяса, тодьы ымныръёслэсь ик мозмыны кутски, акыльти со чудикъёслэсь. Чарак та дыре валаны кутскиськод националистъёсты. Мон ачим но сюлэмлэн сьод палыныз соос полы пырисько, малыке шуоно "Удмуртиын улись калык кулэ тодыны удмурт кылэз", "Удмуртиен кивалтись кулэ тодыны удмурт кылэз". Котьконя вера, но та ужпумын азьпала вамышъёс туж одыт лэсьтисько. 

Целинной календарямы "Ижкар зоналэн" нуналыз вал. Чукна кагаз вылэ валтись фразаосты гожъяй: бур чукнаен, нуналэн, ческыт мед кошкоз... Паймоды, отрядысьтымы пиналъёс тыршизы кутылыны со кылъёсты. Огез Чайковскийысь эше туж уг яраты, ку мон анай кылын ботьыртыны кутскисько. Нош та нуналэ чидаз ик, ачиз но "бур чукнаем" шуыса ветлиз. "Бур чукнаен", тупатко сое, вунэтэ. Али но пель сьорам чузъяське на солэн "Бур чукнаем" шуонэз. 

Нош огпол пырисько огъяулонни шуонамы, учкисько но, ос бордын "Гажаса отиськом/Добро пожаловать" ошиське. Зуч нылашка гожтэм. Та фразаез ке но тодэ, шумпоти) 

Оксана нимо Ижкарысь нылаш тани алигес юа мынэсьтым: "Киня дыр инь?" Нырысь валаса ой вутты, кыче кылын та вазиз. Вылысь юаз, мынекти но юанэзлы валэктон сёти. Анай атаезлэсь коня ке удмурт кылъёс пычатэм. 

Татаринмы вань на, Алмаз. Со туж зол мозме анай кылызлэсь. Синмысь синме татаръёсын вераськем, пе, потэ. Али татар кылэз тодись мурт вагоназ мынэм. Соин вераськи но сюлмы ик буйгаз, шуэ. Тини кыче анай кыллы яратон   асьсэ нылпиоссылы пычатыны быгато  татар семьяос но школаос. 

Нош ик кылъёс, кылъёс, веранъёс но муртъёслэсь адзон. Огшоры адзон, адзем карон коть луысал ке. 

Берен поездамы бертыку, ми шоры (кызьы синъёссэс оз кельтэ) учкыса, кошкылизы таджикъёс-а, кинъёс-а со. Чугун сюрес возын сылыкумы, эшшо огез забор сьорысьтыз ик потыса, ми сьоры вамыштиз. Могдосэсь! Пинал нылъёсты ноку но адзылымтэ кадьёс) Кытын меда соос уло? Огласянь жаль ик пото. 

Экватор ортчиз)

Мускоын сылыкумы, "Экватор" карим. Жыны целина ортчиз, лобзиз! Гудырикошкон гудыртыса ик кошкоз, дыр. Нырысети гудырикошкон рейс ик йырсазьесмес зуркатиз ини.

Ма со отряд ми понна?Целина дыре со семьяез но матысь эшъестэ воштэ. Кык толэзь куспын тон котькуд адямиез пыр-почгес тодиськод. Нош котькудиз татын- личность, аслаз шуг-секытъесыныз, выросъесыныз, улон шоры учконъесыныз. Ваньзы соос одиг шурти уяса кошко. Нош мар луоз целина бере? Нош ик мероприятиос, люкаськонъес. Малпасько, ми ваньмы шумпотыса люкаськылом огазе но тодамы ваём, кызьы ортчытъя огонёкъёс, шулдыръяськонъес, кызьы шахматэн шудим( тросэз уг но быгаты ке но) , кызьы Иваново кар кузя поръяллям( иземмы ке но потэ вал).  Но егит дыр огпол сётиське, ми огпол, та гужеме, Ивановое вуим.

Туннэ эшшо одиг шуг- секытэз чош вормим. Милемыз, студентъесты, кадровойес зибыны турттизы. Кинлэсь ке но уксезэ лушкаллям, нош милям студентъесмылэсь постельной бельезэз но сникерс шоколадзэс. Нош кин виноват? Конечно, ми! Студентъес дыръя гинэ, пе, уксе ышылыны кутскиз, да марда. Ой чида, мыни штабной вагонэ но кадровой проводникен гинэ ой, начальникенымы но керети. Юнме ой мынысал ук, мар мынэсьтым пиналъесме дэрие саптаны туртто, мар ми соослы карим? Резервлэн начальникез ми пала коть дур басьтиз. Солы со понна туж бадзым тау!

Таиз рейс ваньзылэсь йыръессэс йырйиз. Зечокъес мынам студентъесы, комиссар тиледын данъяське, Марайко тиледыз яратэ! Соин ик туннэ жыт тиледлы луоз пичи сюрприз: мильым, кампетъес, 8. Маргуст, 23 Феврюль, но шутэтскон нунал) Кандидатъесылы но боецъесылы тау карон!

Ваньзылэн сюлэмъессы доразы курисько ини. Соин ик соослы шуныт нуналъес котькуд нунал кузьмано.

Ивановоын

Вождэс эн вае, аффрикатаостэк гожъясько коня ке)

Ивановоын!

Трос адямиос тодо Иваново сярысь, ожытгес Ижкармы сярысь. Мон малпамъя ваньмыз наоборот луыны кулэ кадь. Басма поттонъя фабрикаосын "кен кар" данъяськыны быгатэ ке но, татын номыриз но тунсыкоез овол ини. Вокзал возын нылкышно монастырь сылэ ( малы ке но сьод), центрозь дунтэк ньыль штука автобусънс ветло (маршрутэз Вокзал-базар-ТЦ "Азвесь кар"). Со Челнок куинь дугдылонниез 10 минут куспын ортче.

Жаляса верано, тросэзлы уж но уг тырмы, фабрикаоссы ворсасько, карез азинтиыны быгатись егитъес Муско пала вырзо.

Озьы ке но мыным туж кельшо та карлэн паськыт ульчаосыз, вож писпуосыз, пичи шурез, кудиз тымет плотинаен но дугдытэмын овол, лякыт адямиосыз. Проводникъеслэн резервзылэн начальникез лично милемын вераськиз, экзамен кутиз. Ижкарын ужакум мон отысь начальникез ноку но адзыса ой вуы, туж шуг вал со дорозь вуыны.

Мон уг тодкы вал, малы Ивановоез "город невест" шуыса нимало. Тоди табере! Басма поттонъя фабрикае татчы быдэс кунысьтымы нылъесты вае вылэм. Котькычеез вылэм: зучез но, бигерез но, чеченкаез но. Кавказ падан улись нылъесты, пе, огпол вайиллям. Нош соослы асьсэ ымнырзэс мукет пиослы возьматъяны уг яра. Уж доразы мыныкузы пияшез адзо ке, юбкаенызы ымнырзэс ватыса, берен огъяулонниязы бызьыса кошко, пе, вал. Сиен- юон но комнатаязы нулло вылэм. Могдос. Только соослэсь чаляк акыльтиллям но, автобусэ туйнаса, берен гурезьесазы келяллям) Угось соослэн то картъессы вордиськем палъесазы бертэмзэс возьмаса пуко вал ни, дыр. 

нимтэм

Матысь адями сое уд шуы. Но аресаз «семейный кругаз» пыртыса, йырме усыкмытӥз ик. Али нылаш изе, кызьы изё кровать вӧзаз носкиосыз, туфлиез, проводъёс но корт дас манет, югыт тыл соослэсь уйвӧтсэс уг кышкаты. Ӵуказе уйпал ёросъёсы кошкисько. Ужъёсме быдэстыны уй азьпалам. Син азям «Инвожо» журнал но Кельмаковлэн «Удмурт дунне» газетлэн кылэз ласянь критической материалэз но «Перепечкинэ» 500 манетлы сертификат.

 Бадӟым Удмурт Диктант гожтэм понна, результатъёссэ вераны юри ӝыт ортчытӥзы. Ар-Серги лично ымнырам ик вераз, тыныд но книгаме, пе, сӥзи: «БУД, гажаса, …». Но со сурам, лэся, мынам Векшина фамилия, мон уг тодкы, кин со Киршина. Туж бадӟым фанатэз луысал ке, ӝоже усьсал.  ??малыке но Ижкаре вуэм бере, фамилияме сурало, то Ившина, то тани. Векшина, вроде сыӵе дано но тодмо фамилия. Кушем ним-а мар-а басьтоно??

Туннэ копак гажанэным вераськем ӧз поты. Со монэ шӧдэ кадь, ку мон уг быгаткы солы дырме висъяны, я со малпанэн нуналам, йырам гинэ но уг чилекты. Бертыса, вирсэръёсме паськытатӥ, но йырсазьме нош ик ыштыны ӧй быгаты. Сюлмысьтым ӟечкылай Фаняез но Женяез диктант гожтэменызы. Татар пи, пе, удмуртлэсь умойгес гожтэм. Малы? Малпаське ни асьтэос.

Оскытэк но тыршытэк, ужедлэсь бадӟым пайда уз луы.

Мыным туж кельше шундыӝужан палан улӥсь калыкъёслэн лулчеберетсы. Уд оске, но йогаен вырыны со туж круто!!!

Таяз шутэтскон нуналъёсы мон нош ик гуртэ ой вуылы. Гуртэ жингыртӥ ик, шуи со да, та да кароно, уг берты. Уг тодкы, ку мон адӟо тӥлесьтыд дуно но сюлэмлы кыдёкын ымныръёстэс. Пасхалы пӧраськыны берто, хоть смыслэз вань - юнме пужыятскыса уг пукы. Нош ми модельной агенствоысьтымы нылъёсынымы "Мумы Дор" удмурт шӧмын лэсьтэм усадьбае ветлӥм. Номыр но жаль ой вал та понна.

Дэриын катаосты пылатыса, вамыштӥм корка пала. Пунызы утӥз, но, ӧс усьтӥськыса, мон шоры шуак потӥз, туж кышкай, утӥз бере. Но со куноосты яратӥсь вылэм, кык пыд йылаз ултыса ик, милемын чырткемъяськиз.

Одӥг модельной школаысь лыктэм фотографъес туспуктон лэсьтонъя но подиумтӥ шонер ветлонъя мастер-класс ортчытӥзы. Ми копак кыдёкын ай та искусствоослэсь.

Чай юыса, йогаен вырим. Тау Катялы, со быгатӥз та ужрадэз мыло-кыдо ортчытыны, йогалэсь пуштроссэ усьтыны. Сюлэмын ганяк луиз, номыр сярысь но малпаськем ӧз поты ни. Сиськыны но пуки но, кытчы ке долгаса, ческыт тибетской ӝукез ымам туйнасько. Улонэ монэ Ваулиналэн жингрес куараез берыктӥз. Ужмес азьланьтоно! Буяськыны дышетским, ветлыны, позироватьтыны.

Зэмзэ ик, туннэ мон узыргес луи. Туспуктэмыь аслэсьтым ымнырме адӟыса, валай, ас бордын ужаны кутсконо шуыса. Азьло мон малпасько вал, номыр но уз пӧрмы шуыса, ваньмыз та пушдуннелы пайдаё но тубатлы юнме вырон шуыса. Малыке но мынам мылкыды воштӥськиз. Та понна, конечно, ваньзылы тау шуыны кулэ: Катялы но, Даралилы но, агенствоысьтымы но милемыз дышетӥсь нылъёслы но, мумыдор усадьбалэн кузёооссылы но, аслым но дыр кӧня ке.

Пӧсятэм уыса, туж зол ваньзылы сӥзем потэ, эн сылэ одӥг интыяды, узырмытэ асьтэдыс, яратоно ужъёсын вырелэ, эн жалялэ асьтэдыс, пересьмыса жалялоды, тубе тубаттӥды инбамлы но шундылы  матыгес! Тӥляд ваньмыз пӧрмоз, осконо но ужано гинэ!

Та ласянь одӥг притча вераме потэ: "Одӥг Адямилы кулэ луэм шурлэн сопал ярдураз потыны. Мыл потытэк, пуксем со пересьлэн пыжаз. Учке но пыжчилэн одӥгаз пулысаз гожтэмын: "вӧсяськы", нош мукетаз: "ужа". Адямилэн тодэмез потӥз, малы озьы, но юаз пересьлэсь. Со номыр но вератэк, кутскиз нырысь одӥг пулысэн нимаз вуэз донганы, собере мукетыныз. Пыж интыяз гинэ бергаса улӥз, азьлань шонер ӧз кошкы. Валад-а, юаз солэсь пересь!"
Туспуктэмъёс*

"гадко и стыдно". Шахматэн шудон

Туннэ (30.03) шахматэн шудыны ветлӥ. Аслам группаысь нылъёс пӧлын нырысетӥ инты басьтӥ ке но, сюлэмы ӧз шумпоты. Малы?

Азьло мон шудӥсько вал шудон понна, малпаськон понна, противниклы алэсьтым кужымме но визьме возьматон понна. Нош али, шудэмысь дугдӥ ни но, вань быгатонлыкъёсме но амалъёсме вунэткем. Арлы огпол гинэ доска сьӧры пуксисько бере.

Та вожвылъяськон кема медаз ортчы шуыса, часъёс пуктӥзы. Соин йырин шудса мон сюлэмме ой буйгаты, чаляк-чаляк гинэ малпаськыны быгатон Инмар кузьмамтэ. Тодко на пичи дырме, кыӵе ӝутскем мылкыдын мынӥсько вал Пургала. Аслым оскыса, быдэс мугорын дырекъяса, синмыным шахмат фигураосын комбинациос лэсьтылко вал. Табере аслым кыл сётӥ: вуоно турнир азьын одно ик шудыло!

Валай, татчы адями лыктэ материальной призлы! Турнир бырыку, ваньзы пуко, возьмало, ку меда соослы уксё сётозы. Урод шудӥсьёсызлэн ик синъёссы ӝуатско. Ӵапак со дыре Л.Н. Толстойлэсь «Воскресенье» романзэ лыдӟисько вал, ку Нехлюдов улонысьтыд  «стыдно и гадко, гадко и стыдно» луон моментъёссэ йыраз бергатэ вал. Мыным но приз возьман дыр сыӵе ик потӥз. Но тӥ эн малпалэ, ваньзы сыӵе шуыса. Туж небыт но лякыт сямоосыз но вал. Нош мон понна, нырысетӥ интыын улонлэн но тунсыкъяьконлэн эстетической функциез сылэ, берло гинэ уксё. Озьы ке но мон шумпотӥ Игошинлэн кылбур бичетэзлы. Туж яратко, ку мыным книга кузьмало!!

студвесна ортчиз)

Ну вот, студвесна ортчиз! ӝыны куректон берпала кылиз, нош мынам сюлэмы марке весь курда на, сюлмаськонъёсы озьы ик сюлэмме сиё на. Чалякгес иське кукрсовой но доклад гожтоно ни. Собере дыр лулпуш буйгатскоз.

Нош "Неофолк" студия асьсэ "Уйпал (нюр, яг) мульы" коллекциязэ возьматӥз. Дас вить ар ортчыса но син азям пукто на Чималиен нырысетӥ огъяуллониямы 3 холлын берпуметӥ ортчем уймес. Кызьы Ксюша дэрмъёссэ вуриз но, шапка борды космической бисер лякылыса, шуыны луоз, огназ нылъёсмес дӥсяз. Туж лякыт сямо Света хореографмы но. Паймымонэсь адямиос все-таки котырто монэ. Сомында косякъёс лэсьтӥм ке но, ушъяз, буйгатӥз. Сыӵе адямиосты яратса гинэ ул.

Нош кыӵе занавес мышкын улон? Ваньзы дырто, сюлэмшугъясько, кесясько, донгасько... УГ ЙЫРКУРЪЯСЬКО НО УГ УРОДЪЯСЬКО! Нокин но нокытчы уг вутты, синъёссы паниковатьтыса чарка пасьтаесь луо, нош, сцена вылэ потыса, ымдуръёсэс пель дорозязы кыскыны туртто.  

Южтолэзьлы пусйымон нуналъёс.

Нош ик ӟырдыт нуналъёс кутскизы.

• 17 южтолэзе, ӵуказеулса ни, "Зарни перепеч" концертын удмурт моделья агентвоысьтымы нылъёсмес адӟыны быгатоды. Эркишевлы тул-тул ик юрттом ни.
• 21 южтолэзе Лудорвай музей-заповедникын видео-артъя калыккуспо фестиваль ортчыны куткоз. 
• 21 южтолэзь. "Пепелац". Одӥг кылын ваньмыз верамын.
• Та вискын "Инвожо" лит. ӝыт ортчытэ.
• 26 южтолэзе студвеснаын удмурт филология факультет выступатьтэ. Отын "Неофолк" выль тузӥ колллекциязэ возьматоз. Быдэс арня та фестиваль мыноз. Шутэтскемды потэ ке, одно ик ветлэ. Залэ вазьгес лыктэ, ато интытыэк кылёды.
• 31 южтолэзе Земфиралэн концертэз. Тууууууууууууж потэ вал мынэм!!!!!!

Со сяна куча мукет ужъёс на: яратон, сиён, дышетскон, тунсыкъяськон, азьтэмъяськон, адямиосты "шонер быръён" лэьтыны юрттон....

Кыӵе мылкыды мынам та дыръёсы луэ?                     Таӵе: 

Счастье в чистом виде: грубое, природное, вулканическое 

Оки но Уго: удмурт лит. ӝыт

Оки но Уго, Герд не Обама кадь. Удмурт кылбурчиос но кунгож политикъёс. Соосты марке герӟа-а яке соос копак пумит сылӥсь кужымъёс? Тунсыкъяськонъёссыя но малпамъёссыя уг тодӥськы ни, но творчетвозыя копак пӧртэмесь. Кыӵе эшшо политика на удмурт кылбуретын? Яра кутскыны бичаны но кылдытыны. Могдос пӧрмоз дыр.

Мон кӧнякелы бергес вуи, Уголэсь-а мар-а кылбурзэ удмурт кылэ берыктыса, пуко вал ни. Ачим но кутски. Ма могдос так-то. Берыктӥ(м). Тазьы луиз:

- Кин ай со Каракас буш карын? -
Нукыртӥз адями, Буш нимо.
Со уг тоды няньлэсь
Кудпалзэ сюлмысьтыз вӧяно.
Ойдолэ, бен, учком,
Мар меда куанермы дауртоз,
Ми нянез берыктом,
Малпатэк, шуытэк но: кыл "С"!

Собере удмурт кылэ берыктэм Венессуэлла азьмуртлэсь верам лэчыт кылъёссэ лыдӟизы. Туж тунсыко: Буш нимо агаез туж критиковатьтэ. Отын дьявол сое шуэ, кин бере сера зын мукет нуналаз но уг вӧлмы на. Олокызьы но, тул-тул ӵошатонъёс, перифразаос быръе. Берыктыны луэ.

Тунсыко кылбурчиосты туннэ аслым усьтӥ. Вал Алнаш ёросысь чылкак удмурт сямо, выросъёсын но вераськемен нылаш, кылбуръёсыз школа этапын гожтэмъёслы тросгес тупало. Но ваньмыз азьланяз ай. Можга ёроысь Оркемей Кион нимо пияш аслэьтыз «алкаш сярысь» поэмазэ лыдӟиз. Саркатично, мыным кельшиз. Мон малпасько вал, пиос сокем зол гожъяськонэн уг тунсыкъясько шуыса. Но тани, син азям Богданлэн эшез сылэ, выразительно уг ке но, зато бос-бос куараен лыдӟе аслэсьтыз «пӧрамъёссэ». Возьдаське на сыӵе мило, гордэктэ, синъёссэ сопала-тапала вошъя. 5 –тӥ курсозь карын дышетскыса но, «тодмо удмурт сямзэ» кар эгоизм виымтэ на.

Евсеева Ксюша, Богдан, Клабукова Наташа, Оля Тронина выль кылбуръёссэс лыдӟизы на. Асьсэ малпанъёссэс та ӝытэ  «Перепечкин» литературной кафее лыктэмъёс веразы на. Оглом вераса, мыным туж кельшиз. Сыӵе эрико диалог вал.

Куазь но туж шулдыр туннэ: шуныт, тулыслэсь вуэмзэ омырысь шӧдӥсько ни, шумпотымон, йырпӧрымон. Машиен со да та да сярысь вераськыса, серекъяа, кыштыр гинэ бертӥм огъяулонниямы. Ӵуказе мильым сиёмы, дыр!

Тупуктэмъёсты но мукет информация та ужрад сярысь татысь шедьтыны быгаткоды: http://vk.com/event50867261

Мар со яратон ПИ ПОННА?

Нылъёсмурт понна яратон - со быдэс улонэз. Яратонтэк со уз быгаты: эшез вылэ ке но яратонзэ кисьтоз. Нош пи понна мар луэ яратон?

Со солы ӧвӧл кыӵе ке но туж кулэ арбери. Яратса, со мукет ужъёслэсь гинэ шутэтске. Шутэтске но выльысь кутске ужаны, суредаськыны, кылбур гожъяны да мар да. Яратон одӥг пичи но вдохновение пӧлы уг пыры, кышномуртъёслэн кадь. Ужаны кутскыса, пи нош ик вунэтэ яратоно адямизэ. Жадиз ке, со нош ик берытскоз шутэтскыны, но яратоз кӧня ке дырлы. Ваньмыз сьӧд сюлмозяз вуиз ке, тышказ йӧтны кутскиз ке, со нош ик усёз нылкышнолэн яратон зарезяз, солэн шуныт киосаз но сылмоз. Яратон со понна - со мукет ужъёс лэсьтыны пыкъет.

Нош нылкышно понна ваньмыз наоборот: со кутскоз улыны, малыке шуоно со яратэ. Яратон сётэ солы ужаны выль мылкыд. Со ӧз яраты ке, вообще номыр но уз кар ни.

P.S. Одӥг источникысь шедьтӥ! Со мынам малпанэ ӧвӧл.

Нош аслэсьтым мон ватсасал на. Нылмуртлэн номыр но каремез уз пот ни, яратоно адямиезлэсь но яратонзэ оз шӧд ни ке. Нош со яратон периодически гинэ луэ. К сожаленью.

of 8 Южтолэзь

Милям пиосмы самой замечательноесь! Ми соосты ӟечкылан вылын вообще не парились, туспуктэмъёсынызы брелокъёс кузьмам но столовойын чай сектам. И все. Нош соос мар гинэ ӧз каре. Милям соос зарниесь. Дырзэз но жалятэк, чидаса, малпаськыса, ми сярысь кырӟан гожтӥллям, ӟечкылан видеоролик лэсьтӥллям, кытын милемыз ӟечкылаз ачиз… Не шухер-мухер. Кылем арын но ӟечкыламзэс ноку но уг вунэты. Кызьы соос частушкаос кырӟазы вал но милемыз отчы-татчы 2 корпустӥ гонятьтӥзы. Вахрушев, преподмы, бамамы чупаса, ветлӥз)ХД) Сюлмы таре ганяк луиз шуыса, берен кафедраяз кошкиз. Со сыӵе могдос адями!

Нош пиослы бадӟым тау! Ноку но уг вунэты та одногруппникъёсме. Соос трос ӧвӧл ке но, зато котькудӥз нимаз «мозг». Туннэ нуналлы бадӟым шумпотон ваизы мыным но вань группаысь нылъёсмылы.

Мон али жадемын, ӵуказе гуртэ. Анайлы горшокын мерттэм роза басьтыны малпай. Мед шумпотоз, кыӵе сьӧлыко ке но со ӧз луысал. Вуиз ни дыр, ку мон со сярысь сюлмаськыны кулэ. Кема ӧз кыль ни, каллен сюреслэн пумыз вуэ. Кин тодэ, мынам гуртэ нуись сюрессэ мон понна ворсамын но луоз ни дыр.

Ну мар мон! Ӟечкыласько вань нылъёсты 8 южтолэзен. Вань нылкышноослэн нуналэнызы. Шудбур да марда. Главное, внимание мед луоз. Одӥг пичи шоколадкалы но туж шумпоткод, сое тыныд яратоно адямиед кузьма ке. Пайми, вылӥ комнатаысь эго мынэсьтым верамъёсме пель сьӧраз понэм ик.

Пичи воргорон

23 тулыспалэ, ӵапак со нуналэ, мыным туж тунсыко суред  адӟыны кылдӥз. Пичи пияш лымы вылтӥ нюжтӥськыса кытчы ке но мынэ. Прямо по курсу нылпи шудон инты, отын сыӵе аресъем ик нылъёс шудо. Сузэреным со доры матэге лыктыны малпам. Со, главное, маскировачкем ай. Кымессэ ватэ шапка, нош бамъёсыз но нырыз шарфикен бинямын. Синъёсыз гинэ чиляло на. Куараезъя гинэ тодмай, со матысь бӧляк эшелэн племянникез шуыса.

 Со озьы нылъёс доры мынэ вылэм! Автоматэн, типа АК-47. Со даже позироватьтӥз милемлы. Шаплы пияш, будэ вуоно зэмос воргорон!

Ми оьы дядяй доры мукет гуртэ сузэреным потӥм вал. Утялским со дорын. Туж яратко пересьъёсты. Соос котырын шуныт омыр уя кадь потэ.

кык

Мон ноку но ой малпасал, куке но кык адямиос вискы сюро шуыса. Соос пиос, пиос - умой эшъёс ас куспазы но, мыным но.

Огезлы будто мон одно ик сӥлы карыны кулэ, солэн возможной синмаськемез понна. Нош мукетызлы усто, визьмо луэмез понна. со эшшо чупресгес луэ на, соин ик мон номыр но уг кариськы кадь но солэн бурд улаз луисько. Нош нырысетӥзэ ачим киыным кырмыны быгатко. Кыкназы но кышкыт эго зарезьын уяло, соин ик туж чаляк мон соослэсь акыльтко. 

Соин ик, вуисько ке доразы, уг валаськы мар карыны. Огезлы внимание тросгес сёткод ке, мукетызлэн со самолюбиез туж зол вӧсь луэ. Со муген ик пегӟисько. Нош черто ке, виртуально сылко комната шорын, нокинэ но бырйытэк, кин сэзьгес, со ик басьты монэ. 

Оломар но медаз малпалэ, мынам вань сюлмам яратоно адямие. Нош соос эшъёс.

Мукет потӥз

Мыным туннэ со кыӵе ке но мукет потӥз. Туж ненег. Солэн сьӧд сюлмыз мӧзмиз ни кадь вешамлэсь, небыт килэсь, шумпоттӥсь кылъёслэсь. Али дораз луысал ке, со мон вылэ кисьтыал со яратонзэ, кудзэ мон солэсь курисько вал азьло.

Мон сое яратко. Та куинь толэзь куспын мон дыши ни та солы верам кылъёс борды, дыши ни небыт куараелы. Со куара ик буйгатэ асме но, сое но. Туннэ мыным со туж жаль потӥз. Нырысьсэ дыр милям валче улонамы. Борддоръёсазы но ӧсъёсазы – котькытчы пиос «мон тонэ яратӥсько» кылъёс, пе, гожъяло! Мӧзмон соослэн сюлэмъёсазы но видимо каръяське. Туннэ нырысьсэ шӧдӥ, со но мӧзме шуыса. Вераськемезъя, берпуметӥ нуналъёсыз ортчемез сярысь мадемезъя, мылкыдызъя. Буйгатыны тырши кадь кӧня ке. Но уг пӧрмытӥськы на ай зэмос нылаш кадь небыт луыны, весь лэзьяськисько на бышкись кылъёсын. Чида ини, куанере.

Но узыр ортчись нуналъёс пӧлын мон куддыръя сое тодам но уг вайиськы. Мон уг быгаты вераны, мон сотэк улыны уг быгаты шуыса. Малыке шуоно – мон улко! Улко но ужасько, улко но гожъяськисько, улко но …. улко но яратко.

Юнме пост.

Сессия мынэ. Нырысетӥ экзамен философия вал. Сое сётэм бере, мынам йырвизьмы тупике пыриз кадь, йырвизьлэсь отдельный люкетъёссэ герӟась сӥньысъёсыз чигизы кадь. Троллейбусэ пукси, бертко. Нош ачим та транспортлэсь лыдзэ но ой учкы. Юнме пуксиськем, троллейбус монэ мукет пала нуиз, мукет интые, нош ачим малпасько, кытысь мон вообще бертко. Я хоть валасько на, огъяулонние бертыны кулэ шуыса. Луылэ - а тӥляд сыӵе дыръёсты, ку тӥ юнме валес вылады кыллиськоды, нош укно сьӧрын каллен пеймыт луэ. Дыр ортче, нош тон уд валаськы. Туганэд гинэ тон вылын серекъялоз, мон ньыль басьтысал ке, йыр вылам тэтчасал ни, шуоз. Озьыен кӧня ке мылкыддэ ӝутоз.
Кыкетӥ экзамен. Ваньмыз умой, но султэмед уг поты вал. Вить минут дасяськи но сётӥ. Бертӥ но изьны выдӥ. Копак азьтэмъяськисько марке. Шутэтскисько.

Шудо улон сюрес вакчи

Гуглысь туннэ лыдӟи 10 факторъёс сярысь, кудъёсыз улон нуналъёсмес сьӧразы нуо. Ладно валамон отын фаст-фуд, фермаын будэтэм чорыгъёс, пластик, сера тазалыкез лябӟыто. Ваньзы соглаш, дыр. Вань татын одӥг пункт, кудӥз сюлмам усиз.

Шудо луид ке, кемагес улод, шуо. Нош таяз статьяын мукет сямен верамын. Оптимитъёслэн но яркыт улонэз яратӥсьёслэн улон сюрессы вакчи, малыке шуоно соос интыязы уг пуко, весь экспериментироватьто, тэтчало, бызьыло, лобало... Озьыен, соос ӵемгес лэчыт кылъёсын пумиськыло, лек учыръёсы сюро, шумпото но сюлэмшугъяькыло но. Таос эшшо наркоманъёс но алкаголикъёс пӧлы ӵемгес сюро. Творческоесь, креативноесь, активноесь, эмоциональноесь.

Ма таре вае тодады тодмо адямиосты: Михаил Покчи-Петров,  Мерлин Монро, Влад Листьев, Эмми Вайнхаус, Владимир Высоцкий...

Но ниче! Зато оптимистъёс, та улонысь кошкыкузы но, серекъяса но яркыт кошкозы. о понна гинэ но яратоно соосты. 

Оло вань, оло ӧвӧл

Выль Ар бере мукет форматэ выжо. Али мынам копак зачётной арня мынэ: дышетсконъя но, вань ужъёсме быдэстонъя но, вань малпанъёсме радъянъя но. Йылпумъянъёс одно ик лэсьто ай, нош али огзэ гинэ верало:

                                                                  Мон оло вань, оло ӧвӧл!

Соин ик вуоно арын мон кулэ карисьлы котьку мед луом. Тыршо. Таиз ар переходной мед луоз. Али тодко ни, кыӵе удысын мон асме узырто но возьмато. Малпам ӵектосъёсме улонэ пыӵато!
Матысь дыре ышо кык арнялы, кошкисько кунмылэн шунды ӝуӝан палаз. Нош собере кутском! Кыйлэсь кышкасько ке но, азьлань мынон понна, кышканэз пачкатоно) Озьы ведь, эшъёс!

Гольык ветлыны мылкыд карисьлэн удмурт кылэз дышетэмез потӥз

Мыным контактын одӥг адями гожтӥз, удмурт кылэз дышетэм потэ шуыса. Туж, пе, кылъёсты яратко. Эшшо ужасько, дышетскисько на шуэ, и мон, пе, натурист. Предлог  удмурт кыл дышетон вал, нош на самом деле со аслаз тунсыкъяськонэз сярысь вераны, популяризоватьтыны кутскиз. Вот шнырик малпасько. Адямилы 24 арес ни, нош со натурист на.

Кин со сыӵе натурист? Натурист - адями, кин уг возьдаськы адямиос пӧлтӥ гольык ветлыны, адямиос пумит уг луо ке. Со озьы шуиз, но мон малпасько, мер пумит ке но, соос пырик дӥськутсэс куштыны дась. Остэ! Тон, шуэ, монэ шонертэм гинэ эн вала. Ма мон соку ик мукет ассоциациос кылдӥзы. А именно. Удмуртъёс, асьсэ возьдаськон сямынызы, ноку но дыр гольык адямиосын эрико вераськыны уз быгатэ. Эшшо натуристъёс пӧлы ноку но уз выйе, асьсэос но сыӵеесь уз луэ. Может луоз сыӵе учыр, куке удмурт луоз юэмын, яке ыштоз йырсазьзэ.

Ну тӥ син азяды гинэ пуктэ: мынӥды тӥ кыӵе ке но литературной ӝытэ, нош отын гольык адями пуке. Бон вечеринкаын - а, клубын-а соиз кӧня ке валамонгес ни дыр но, нош огшоры улон учыръёсын? Со натуристэ шуэ ни, котьку, пе, потэ вал мынам тунсыкъяськонэ сярысь телевизор пыр мед  вералозы шуыса, мед адямиос тодозы шуыса.

Сыӵе ӧр, конечно, улонын вань! Соин ик мон сое копак уг палэнтӥськы, но монъя, со - не этично! И мон дорозь уг вуы юанэлы валэктон: мар соослэн озьы возьматэмзы потэ?
Ну вот, дышетӥз но ӧз но ни со удмурт кылэз, натурист луэмез сярысь гинэ оломар  мадиз но ышиз!
P.S. Саунаын гинэ соослы улыны кулэ вал дыр)ХД

Энергетик бордысен кутском.

 Тани соос - карысь будӥсь пиналъёс. Асьме кунмылэсь азьланьзэ лэсьтӥсьёс шуод-а мара... Ижкарысь огшоры азбар.
................................................
Адӟиськоды- а, соос пыр адскись одноразовой стаканчикъёсысь марке но юо. Со напиток ӧвӧл, эн малпалэ!

Тӥни мар юо соос------------------------------------------------------------------------------------>>>>>>>>>

Ну. конечно, соос монэ адӟизы.

- Нас снимаюююююююююют! - чир кесяськыса, кин кытчы пегӟиз. Пазьгиськизы, кыӵе ке урод йыруж лэсьтэмзы бере кадь.
Энергетик бордысен кутскыса, мар борды меда соос басьтӥськозы? (риторический юан)

Ваньмыз азьланяз, но умоезлы оскись пиналъёс бордын!

Кӧснуналэ ветлӥ "Удмурт кырӟан - 2012" концертэ, кудӥз ДК "Аксион"-ын ортчиз. Залын одӥг буш пукон инты но ой вал ни дыр, сомында калыкез вал. Оглом вераса, мыным кельшиз. Богдан потыку, арлыдо кышномуртъёс сыӵе кариськизы нош. Фу, что за кырӟан кадь шуыса. Нош берлогес, куке со кырӟаны но тэтчаны кутскиз, соослэн синъёссы ик ӝуаны кутскизы. Вот со!

Концерт бере Богданъёс Кечелэ "Кечол пати" ӝытэз нуыны ширтӥзы. Мынам но потэ вал отчы сюрем, но ӧз пӧрмы. Зато Гуня бертэм бераз аслэсьтыз мылкыдзэ кисьтӥз мыным. Сузэре вераз, кыӵе мар вал отын. Богданэз, пе, нылъёс лякизы) хех, могдос.

 Но кулэ гуртъёсын сыӵе мероприятиос ортчытъяны. Мар Ижкарын гинэ а мар- а мед соос луозы кадь. Гуртъёсын милям азьветлӥсьёсмы но азьлане осконъёсмы будо ук. Соин ик, соосты  дасяны кулэ удмурт лулчеберетлэн трос оръёсыз но палъёсыз вань шуыса.  Эшшо со гуртысь юись гопникъёслэсь йырвизьзэс мукет пала берыктыны кулэ на, та выллем, визьмо лэсьтэм патиос пичи ке но шелеп та уже тэлято ик. Кызьы егитъёс дорозь капчигес вазиськыны луэ? Конечно, шулдыръяськон пыр, визьмо, пӧсь позыръяськон пыр. Тау, Золотарева Машилы. "Пинал мылкыд-юмал йӧлпыд" концертъёс выллем ӝытъёс ми котькуд ар лэсьтылом ай асьме гуртын. Малпасько, кӧня ке сезон ортчыса, учкисьёслы  милям Пуро гуртмылэн залаз пуконъёс уз тырме ни шуыса. Ваньмыз азьланяз, но умоезлы оскись пиналъёс бордын!

Озьы кулэ! Малы тынад юанэдлы, малы тон мыным кулэ, мон сыӵе ик юан тыныд сётыса, тон номыр но уд вазькы?  Ку вуоз люкиськон асьме дуннеямы. Лэсьты со вамыштэ, вера ук! Но ваньмыз озьы ик мынэ, ми, ог-огмез вӧсь картыса, улком. Озьы кулэ а мара иське, кызьы Сергей Бодров шуэ.
Валасько, кулэ дышетскыны, кулэ ужаны, кулэ отын семья кылдытыны, дыр. Но малы асьмелы яраттэк ӵош луыны кулэ?