Утчасько

среда, 21 мая 2014 г.

Мыным кызь. Йылпумъян.

Туннэ шуак валай, мыным паспортме воштоно шуыса. Зэмзэ ке, паспорт воштон сярысь вераськыны ӧй кутскысал ке, со озьы ик вунсал. Тырысал мон выт, шӧдтэк шорысь.

Дас тямыс ар тырмем бере, мынам арлыдэ уг буды ни кадь. Дыр, мон понна, тыпак дугдӥз. Мон гурезь йылэ тубӥ кадь. Тубӥ но сылӥсько, быдэс дунне шоры учкыса. Нош котыр трос пӧртэм каръёс пиштыло; возьёс вылтӥ, эрикен шокаса, вал уллё ворттылэ; нюлэсъёс шыпыт сыло; зарезь тулкымъяське. Нош гурезь йылын монэ тӧл солань-талань сэзъяны выре. Нош мон йыг-йыг сылӥсько но интыям бергасько.

Туннэ мыным Петыре буш книга кузьмаз. Вылӥяз мынам нимы, туспуктэме но книгалэн нимыз - "Уйвӧтысь чуръёс". Пушказ - чылкыт бамъёс. Петыре шуиз: "Гожъяськы!"

Тау!

Комментариев нет:

Отправить комментарий

Малпасько...